ORANJESTAD – Awe mainta durante e reunion públiko di parlamento di Aruba Ryçond Santos Do Nascimento a tuma su lugá nobo komo miembro di parlamento independiente.

Siman pasá el a sali for di AVP i a deklará su mes independiente.  Esei ta nifiká tambe físikamente un otro lugá den Staten, kaminda e ta sinta awor entre e partido MAS i ACCION21.

Santos Do Nascimento a pone mas promé e integridat di su partido anterior na diskushon. E partido bèrdè lo mester ataká korupshon den su fila.

Motibu dirèkt pa bandoná e partido tabata e desishon di AVP pa mantené Benny Sevinger komo miembro di parlamento despues di su veredikto siman pasá.

Segun wes Sevinger a bende terenonan di gobièrnu ku komersiantenan a kambio di sèn, servisio i produkto. Un miembro di parlamento legalmente no ta obligá pa baha despues di un veredikto.

Pero pa Santos Do Nascimento a afektá e kredibilidat di e partido bèrdè i di dje komo miembro di parlamento dentro di e partido ei seriamente ora ku a mantené e polítiko korupto.