WILLEMSTAD – Empresarionan a bolbe haña un luna di suspenshon pa entregá e resúmen di salario elektróniko na servisio di impuesto. Normalmente mester entregá esei promé ku 1 di aprel, pero e demanda pa number di identifikashon úniko na servisio di impuesto ta asina haltu , ku servisio di impuesto no por a keda kla ku e petishonnan pa e fecha ei i 1 di mei tampoko  no ta alkansabel.

E demanda a originá pasobra kuminsando e aña aki empresarionan ta obligá pa menshoná un number di identifikashon úniko pa kada empleado riba e spesifikashon di suèldu.  Esei ta un spesifikashon di un empresa di tur empleado ku ta risibi suèldu. Ta awor ta promé biaha ku ta introdusí esaki.

Pesei a disidí pa prolongá e fecha límite di entrega di e resúmen di salario elektróniko 2022 te djabièrnè 28 di aprel. Ora a ripará ku no ta posibel pa keda kla ku tur petishon a prolongá e fecha límite di entrega te 1 di yüni. Seguidamente ta kuminsá atendé riba e fecha ei ku deklarashon di impuesto riba entrada 2022.

Si e doño di trabou no a entregá resúmen di salario elektróniko, servisio di impuesto no por prosesá e deklarashon di impuesto riba entrada. Pues ta sumamente importante ku doñonan di trabou entregá e resúmennan di salario elektróniko na tempu di manera ku na luna di yüni por kuminsá paga e promé restitushonnan di aña 2022.