WILLEMSTAD – Lo a paga Chris Z., sospechoso den e asesinato riba e rèpdo ‘Boechi’, ku kokaina. Aktualmente e ta será i polis ta kere ku e ta e tiradó.

A tira Ruchendell ‘Boechi’ Windster mata riba 9 di dezèmber riba Rooseveltweg. E ta biba na Tilburg, tabata traha músika na Papiamentu i tabata na Kòrsou pa presentashonnan. E asesinato a tuma lugá despues di un presentashon na Santa Maria.

Z. di 24 aña lo a lòs e tirunan. Segun polis e di dos sospechoso, Churendy C., tabata e shofùr di e outo ku a kore  ku Chris Z.

A detené C. na Hulanda i mientrastantu e ta den isolashon na Boneiru, pasobra hustisia no por garantisá su seguridat na Kòrsou.

Segun entendí C. lo ta koperando ku e investigashon. Lo a uza un pistol Glock 19 pa e asesinato. No a haña e arma ainda. A konfiská e outo i ta interogando ámbos sospechoso. E investigashon ta dirigí awor riba esun ku a duna e enkargo pa e asesinato.

Tin indikashon ku ta mustra den e direkshon ku a paga Z. i C. ku kokaina. Chris Z. lo a risibí paketenan di kokaina ku un peso total di kuater kilo.

Polis no ta ekskluí ku por kai mas detenshon.