WILLEMSTAD – Riba 15 di mei 2023 VBC ta organisá un sena di nogoshi den e patio interior di Renaissance Wind Creek Curaçao Resort. E punto kulminante di e sena pa rekoudá fondo aki lo ta e charla di nos oradó invitá, e minister Hulandes di Klima i Energia, Rob Jetten.

E charla di Jetten ta titulá ‘Duurzaam ondernemerschap en maatschappelijk verantwoord ondernemen’, Aktividat empresarial sostenibel i empresario sosial responsabel.

Jetten ta miembro di e partido polítiko D66 i for di yanüari 2022 e ta minister den e gabinete aktual, responsabel pa e kartera di Klima i Energia.

Otro siman Jetten ta na Kòrsou i ta firma un  memorandum of understanding (un akuerdo entre dos òf mas partido resumí den un dokumentu ofisial) ku gobièrnu tokante un proyekto di energia di bientu grandi i importante pa Kòrsou.

Durante e sena di VBC e ta haña e oportunidat komo oradó prinsipal di duna su vishon riba  i e importansia di empresa sostenibel na Kòrsou.

E sena ta tuma lugá riba djaluna 15 di mei den e patio interior di Renaissance Resort na Riffort Otrabanda i ta kuminsá 6’or di tardi.