WILLEMSTAD – Riba 5 di mei a tuma lugá un tradishon speshal riba e islanan Karibense: Freedom Meals. E aña aki a organisá no mas ku 51 komementu huntu, kasi dòbel kompará ku aña pasá. E idea tras di Freedom Meals ta ku e wéspetnan ta drenta den kòmbersashon ku otro durante e komementu tokante temanan manera libertat i no-libertat.

Anja van Bergen, e motor tras di e organisashon di Freedom Meals Karibense, ta orguyoso di e éksito. “Danki Dios hopi hende riba e isla ta entusiasmá ku e idea i nos a haña mésora koperashon spontáneo for di diferente huki. Kada isla tin un propio kwartiermaker, pero tambe mésora hopi boluntario entusiasmá a presentá nan mes pa organisá un Freedom Meal. Kada ken riba nan propio manera i úniko.”

Na Saba a ofresé e muchanan di skol un Freedom Meal den e restorantnan lokal. Tabata un kolaborashon entre horeca i e skolnan. “Naturalmente  einan e karchinan di diálogo tambe tabata riba mesa i asina 180 mucha na Saba a papia tokante di libertat”, segun Anton Hermans, kwartiermaker na Saba.

E Komité Nashonal 4 i 5 di mei a pèrkurá huntu ku e organisashon di Freedom Meals pa kondishonnan esensial, manera karchinan di diálogo pa duna direkshon na e kòmbersashon. “Esei ta funshoná hopi bon. Un di e preguntanan por ehèmpel ta: ‘Si abo ta doño di mundu kiko bo lo a kambia?’ Na e mésun mesa tin biaha tabata diskutí animá den tres idioma. Papiando tokante di libertat hendenan ta drenta den kontakto ku otro”, segun Van Bergen.

Spesial

A organisá mas ku 500 Freedom Meals den henter Reino, inkluso Hulanda. “E sentimentu ku tur hende ta sinta huntu ku otro na mesa riba e mésun dia den  Reino Hulandes i ta papia di e tema importante aki ta èkstra spesial. Ta un momentum ku tur hende ta eksperensiá riba e mésun dia e mésun kos i esei ta bunita. E ta duna e sentimentu di ta parti di algu mas grandi”, segun Van Bergen.

Su soño pa futuro? “Mi ta spera ku nos por djòin e tradishon di e festivalnan di libertat tambe i ku tempu nos por klousurá e Freedom Meals ku un bunita konsierto grandi kaminda e famoso we’ll meet again tambe por zona.”

Freedom Meals ta parse di ta bira un tradishon Karibense nobo kaminda mas hende ta animá pa partisipá n’e.