KRALENDIJK- E mayoria di prensa lokal na Boneiru deliberadamente a ignorá bishita di Minister Carola Schouten na e isla.

Últimamente, por ripará un sorti di ‘fadansa’ bou di prensa lokal, ora ta trata di ministernan i sekretarionan di estado ku ta bishitando e isla. “Semper nos ta wòrdu yamá ora tin un hendenan di gobièrnu hulandes bishitando e isla. Pero na realidat, kuase nukca tin notisia realmente nobo pa raportá. Semper ta e mesun historia obligatorio tokante e pobresa grandi ku a spantanan i loke lo sosodé den futuro,” un representante prominente di prensa skibí ta trese dilanti. E persona ta bisa di ta onsiderá e selebrashon di aniversario di Donkey Sanctuary mas interesante, positivo i relevante ku e bishita di Schouten.

E sentimento krítiko ta haña sosten di otro medionan di prensa. Prensa lokal sa mihó ku kualkier otro kuantu promesanan a wòrdu hasí den último añanan, pero tambe kuantu eksüs ta tresiendo dilanti pa kiko no por implementá e asina yamá Minimo Sosial, i ku e situashon ta virando asta bergonsoso. 

E prensa ta mirando tambe kon na Hulanda t adunando poko atenshon na e protesta grandi di dos siman pasá, organisá pa entre otro sindikatonan huntu ku entre otro Unkonbon.

“Ta bira mas i mas manera un show grandi. Pero en realidat, nos ta tende e mesun storia pa aña tras aña. Semper nos mester tende ku kosnan ta difísil, ku kosnan no ta asina simpel manera nan ta parse i ku tin hopi argumento pa spiká kon kosnan no por wòrdu hasí. Kon kredibel nos ta komo prensa, si nos ta aseptá esaki pasivamente i solamente transmití kontestashonan sosialmente deseabel,” un otro representante di prensa lokal a bisa.

Dos representante

Na e konferensia ku Ministra Schouten ta asistí, tin eksaktamente dos representante di prensa lokal presente: un periodista ku a baha ku penshun kaba, i un fotógrafo.