KRALENDIJK – Di 30 di mei 2023, Kolegio Elektoral di Bonaire a vota pa Eerste Kamer (Senado) na Hulanda. E miembronan ku a wòrdu eligí den último elekshon na Boneiru unanimente a vota pa representashon dor di Partido di Labor (PvdA) i kandidato Jeroen Recourt.

E eskoho di e kandidato number 2 riba lista di kandidatonan di PvdA tabata debí na su afinidat grandi ku region di Karibe i su konosementu profundo.

E Kolegionan Elektoral tin influensia riba komposishon di Parlamento di Hulanda, manera e miembronan di Staten di e provinsianan na Hulanda. E islanan di Hulanda Karibense ta organisashonnan públiko i no ta pertenesé na un provinsia. Ku yegada di e kiescollegesnan, awor ta determiná, diferente for di den pasado, ken lo bira miembro di Parlamento di Hulanda.

Na Saba, meskos ku tabata e kaso na Bonaire, miembronan di e Kiescollege di e isla a voto unanimemente pa PvdA i Recourt. Na St. Eustatius sinembargo, kuantro voto a bai pa D66 i unu pa CDA.

Senado

Elekshon di e miembronan di Eerste Kamer na Hulanda, tambe yamá senadónan, ta tuma lugá kada kuater aña. E miembronan di Parlamento di Hulanda ta ser skohe pa miembronan di Staten di e provinsianan i e Kolegionan Elektoral na Bonaire, Sint Eustatius i Saba, ademas di e kiescollege pa personanan ku no ta residente.