WILLEMSTAD – Un kandela feros a kosta ayera den oranan tempran di mainta bida di dos persona. Esei a sosodé den Nijmegenstraat na Steenrijk

Na yegada di e servisionan di emergensia, den kareda di kuartu pa dos, a resultá ku un kas tabata kompletamente na kandela i ku e kandela a ekspandé pa e kas na banda.

Den e promé kas tabatin dos persona ku un limitashon físiko. Pasobra nan mester hasi uzo di un ròlstul nan no por a skapa di e kandela.

Outoridatnan a start un investigashon pa identifiká e kousa di e kandela i e akontesimentunan eksakto. E departamentunan tékniko i forénsiko ta guia e investigashon.

Tantu brantwer di Steenrijk komo brantwer di Mundu Nobo i Rio Canario tabata na e sitio pa kombatí e kandela i pa prevení ku e lo a sigui plama bai e otro kasnan.

Polis a konfirmá ku e víktimanan ta mama i yu, pero durante dia polis lo duna mas informashon.