Kralendijk – Flamingo Express Dutch Caribbean (FXDC) den un komunikado pa prensa a komuniká djarason atardi ku djaluna ku a pasa, nan a risibí e último lote di karchinan di vota pa repartishon.

E karchinan pa elekshon di Tweede Kamer na Hulanda, e aña aki, a wòrdu entregá dor di Departamentu pa Asuntunan Sivil (Burgerzaken) na ofisina di Pòst repartí den vários pakete segun e bario.

Mayoria di e karchinan pa vota a wòrdu entregá na kas kaba, pa loke ta traha barionan di Antriol, Amboina, Tera Kòrá, Playa, Hato, Sabadeco, Nieuw Amsterdam, Nikiboko i Belnem.

Awe òf mañan

E último barionan kaminda e karchinan di vota lo wòrdu entrega awor ta Rincon, Nawati, Nort Saliña, Republik i Bona Bista. Según FXDC mayoria hende a òf lo risibí esaki awe, djarason òf pa mas tardá mañan, djaweps 11 di mart.

Karchinan ku no por wòrdu entregá pa un òf otro motibu ta bai bek na Departamentu pa Asuntunan Sivil (Burgerzaken)  i por wòrdu buská einan dor di votadónan ku no a risibí nan karchi.

Votashon pa e parlamentu hulandes ta tuma lugá riba dia 17 di mart, 2021.

---

• 
  Thuersten Winklaar ta bringa pa e título di Kampion Hulandes na Den Haag
• 
  Prevení Zika, Dengue i Chikungunya
• 
  Zulay Nahr ta kompartí alegria di Pasku ku famianan den nesesidat na Boneiru 
• 
  Winair i KLM reintrodusí akuerdo di kódigo kompartí
• 
  Komishon Herensia Kultural ke protekshon pa identidat di Dia di Rincon