KRALENDIJK- E Entidat Públiko di Boneiru (OLB) a sobrepasá e presupuesto pa su propio organisashon ku kuasi 5.8 miyon dòlar na aña 2022.

Esaki ta keda menshoná den e informe anual aprobá pa e aña 2022. “E presupuesto a sobrepasá ku kasi USD 5.8 miyon. Prinsipalmente, esaki ta resultado di un arreglo pa ámtenarnan mas bieuw baha mas trempan ku penshun,” asina tin skibí na página 10 di e rapòrt ku ta konta un total di 109 página.

E asinya yama ‘seniorenbeleid’ ta forma parti di e revitalisashon di e aparato públiko, unda empleadonan di mas edat ta retirá mas tempran, i na nan lugá ta reklutá empleadonan nobo mas hóben.

Den kuadro di e maneho, empleadonan di un sierto edat ta haña e oportunidat pa penshoná promé di nan yega na edat di penshun. E argelgo aki a keda establesé na 2022 i lo wòrdu ehekutá gradualmente entre aña 2023 i aña 2027.

Obligashon

Segun leinan i reglanan, un obligashon (verplichting) di kuasi USD 7.2 miyon mester wòrdu establesé pa e reglanan aki.

E surplus di e gastunan administrativo total di kual ta papiando ta bastante grandi, teniendo kuenta ku e presupuesto total di gastunan pa e aparato públiko.