KRALENDIJK – Daisy Coffie, miembro di e Konseho Insular i líder di e parti M21, ta enfatisá e importansia di buska i nombra individuonan lokal pa loke e ta deskribí komo posishonnan klave den nos komunidat. 

“Mi ta mira un tendensia kaminda hende lokal ta wordu pasa mas i mas pa puestonan importante,” Coffie a bisa. Aunke Coffie ta  bisa di ta rekonosé e kwalifikashon di hopi profesionalnan kende ta wordu atraé for di otro lugánan, e ta kere ku tambe mester tin un esfuerso pa nombra hendenan lokal komo a lo ménos asina yama counterpart. 

Coffie ta splika ku profesionalnan kende ta bin for di otro isla tin sierto desbenthaha kompará ku hendenan lokal, por ehèmpel pa loke ta trata di konosimentu di e idioma i cultura di e isla.