Kralendijk- Siman pasá a hasi presentashon di un enkuesta ku a hasi pa loke ta trata periodismo riba e islanan di Boneiru, St. Eustatius i Saba.

Meta di e enkuesta ta di un banda pa midi kon sierto kos ta kanando ku periodisimo riba nos islanan, pero di otro banda tambe pa midi ki nesesidat e sektor ta sinti pa loke ta trata ekipo, preparashon i entrenamentu.

E estudio ku a keda ehekutá pa medio di e kompania Re-Quest a konstatá vários echo interesante. Entre otro por a konstatá ku di tur hende ku ta traha den periodismo riba nos islanan, ta solamente 13% a sigui un edukashon spesialisá riba e tereno aki.

Niun miembro di prensa riba nos isla ta pertense na un sindikato. 76% di esnan ku ta traha den periodismo ta gana máksimo 2000 dòler pa luna for di esaki. 24% ta gana mas ku 2000 dòler pa luna ku esaki.

Nesesidat

A studia tambe nesesidatnan di prensa lokal. E nesisidat mas grandi ku a wòrdu identifiká ta mihó internet, siguí na mihó akseso na informashon. Tambe un parti grandi di esnan ku ta traha den media, ta sinti nesesidat di mas formashon di periodismo i prensa.