DEN HAAG/WILLEMSTAD – Sekretario di Finansa Marnix van Rij (CDA) ta preparando kambionan den diferente disposishonnan den Ley di Belasting BES. Van Rij tin plan pa pidi un konseho urgente tokante e ajustamentonan na Raad van State, despues di kual e kambio lo wordu presentá na di Tweede Kamer pa su implementashon entrante promé di yanüari 2024. 

Mayoria residente di e islanan BES lo no bai sinti muchu kambio. Sinembargo, tin algun kambio ku lo ta bastante impaktante pa prinsipalmente hotèlnan i doño di negoshi.

Un medida bastante impaktante lo ta e oumentu di impuesto riba biennan imobil (vastgoedbelasting) ku hotèlnan mester paga lo subi di 10% aktua te 12.5% entrante aña 2024. Aunkue esaki por no parse un oumento dje drástiko ei, tòg e ta nifiká un oumentu di 25%, ku pa e hotèlnan siguro no ta bon notisia.

Tambe lo bai hasi kambio na e tarifa di belasting di benta (opbrengstbelasting) esaki ta wòrdu oumentá 100%. Esaki ta bai di 5% awor te na 10% entrante aña. Loke ta particularmente notable aki ta e rasonamentu pa e aumento: pa finansia e aumentu di e suma di belasting liber den belasting di entrada i entrada ku a wordu aumentá pa 1/1/2023.

Salario Usual

Hopi doño di un NV òf  BV tampoko lo ta mashá kontentu ku oumentu di e yama salario usual (gebruikelijk loon). Esaki ta e salario ku direktor/grossa akshonistanan mester paga nan mes minimalmente.

Di otro banda tambe ta suavisá sierto di e stipulashonnan aktual. Un di nan ta ku negoshinan ku tin relashon ku otro no mester kobra otro ABB, kada bes ku nan ta manda faktura pa otro.

Deskonosí

Interesante ta u e kambionan na kaminda en general ta deskonosí riba e islanan mes. Pa diferente polítikonan, e anunsio di kambio ku ta bini den Lei di Impuesto BES ta deskonosí ainda. 

Por mira e teksto kompleto di loke Van Rij ta proponiendo na kambio aki.

https://open.overheid.nl/documenten/ronl-dd9782ea0830716aa17b8cfbf757d714a8a81cc2/pdf