De Jong-Rekwest, terser persona di man robes, a mira basta hende yega pa kumpra su buki mas resien. Pòtret: ABC Online Media

KRALENDIJK—Djasabra mainta, apesar di un bon pal’i awa riba Boneiru, konosido eskritor Boneriano, Denise de Jongh-Rekwest, tabata presente na Bruna pa duna atenshon na e buki ku ela publiká resientemente, ‘Roxy, Mi Dushi Bida’. 

“E aña aki e tema di siman di buki ta ‘Na mi Kas’. E meta di e buki ta pa konsientisá e mucha nan pa duna balor i kuida nos bestianan, prinsipalmente nos kachónan. E buki ta duna tambe hopi bon posibilidat pa amplia vokabulario i desaroyá idioma. E mucha ta lesa pa dibertí i na mes momentu e ta siña ku mester trata kachó i dun’e atenshon” asina De Jong-Rekwest a splia. Riba potrèt, un parti di tur e hendenan ku a pasa e mainta pa kumpra nan buki. Tantu mayor i mucha. Bruno tabata yená ku hende.