KRALENDIJK – Den e di tres kuartal di 2023 produkto- i servisionan pa konsumidó tabata kasi dos porshento mas karu na Boneiru ku un aña anterior. Den e di dos kuartal e inflashon tabata 4,6 porshento. Esaki CBS ta informá a base di e sifra índise di konsumidó Karibe Hulandes.

Preisnan a subi ku un porshento na Boneiru kompará ku e kuartal anterior. Kompará ku e di dos kuartal di 2023 preisnan na Boneiru a subi ku un porshento den e di tres kuartal. 

Spesialmente transporte ta okashoná e oumento aki. Preisnan di pasashi di avion a subi den e di tres kuartal ku djessinku porshento kompará ku e kuartal anterior.

Tambe preis di paña i sapatu a subi ku kasi tres porshento. Preis pa produktonan di alimento a subi ku un porshento den e di tres kuartal kompará ku e kuartal anterior.

E gastunan di energia, ku a baha ku mas ku djeskuater porshento kompará ku e kuartal anterior pa motibu di bahada di e tarifa di energia variabel entrante 1 di yüli, a wanta e oumento e kuartal aki.