KRALENDIJK – Èks-diputado Nina den Heyer segun informashon ku tabata sirkulá na Boneiru djaluna ta bai bolbe komo diputado den e konseho ehekutivo nobo ku lo wòrdu formá dor di Partido Democrático Boneriano (PDB), M21 i e frakshon Vrolijk.

Ounke na promé instansia esaki a paresé un rumor, ABC Online Media mientrastantu por a konfirmá ku e informashon ta kuadra ku realidat. Banda di Den Heyer, lider di PDB lider Clark Abraham i Anjelica Cicilia lo mester bira diputado pa e gobièrnu insular nobo. Ounke lider di M21 Daisy Coffie i Cyrill Vrolijk mes lo keda den konseho insular, e lugá di Abraham den koneseho insular, lo bai wòrdu okupá pa Delno Tromp.

E regreso di Den Heyer komo gedepute ta remarkabel. Den Heyer mes a renunsiá for di e konseho ehekutivo di MPB-UPB pasobra el no por a uni su mes mas ku e maneho di e konseho ehekutivo formá pa e dos partido aki. Banda di esei, e tabata kada bia ménos satisfecho ku e maneho i forma di proseder di e partido blou.

Eksperensia

Ku e regreso di Den Heyer, Boneiru ta bolbe haña un diputado eksperensiá, ku a hasi trabou importante riba diferente terenos di importansia.