KRALENDIJK – No opstante ku a tuma mas ku 13 aña, awe ta parse tin un satisafshon ámplio tokante e enfoke riba pobresa den islanan BES.

Durante un konferensia di prensa dajbièrne mèrdia komo parti di nan bishita di trabou, minister  Carola Schouten i secretario di estado Alexandra van Huffelen a repasá kiko tur ta kambia i mehorá partikularmente pa esnan ku tin entrada mas abou.

Schouten a ekspresá su felisidat ku e mínimo sosial finalmente a keda determiná, huntu ku otro medidanan kontra pobresa na e islanan.

“Un aña pasá, mi a bishita algun famia riba e isla, unda mi a mira pobresa berdadero. Esaki a afekta mi hopi,” Schouten a bisa.

Glen Thodé, e presidente di e komishon ku a yeva a cabo investigashon tokante e mínimo sosial nesesario, tambe a ekspresá su satisafshon. “Pa ta sinsero, e pakete di medidanan a yega mas serka di loke e Komishon tabata desea pa mira ku mi mes no ta kera mi por a spera prome.”

Baha gastu

Segun Staatssecretaris Van Huffelen, nan ta konsiderá tambe e gastunan. “Medidanan temporal, manera supsidio di koriente i awa, ta kontinuá. Van Huffelen a invitá siudadanonan pa tuma e tempu pa wak pa nan mes kiko konkretamente ta bai kambia den sentido positivo, despues di tur e medidanan

Kontentu

“Ta un dia hubiloso,” asina gezaghèber Reynold (Nolly) Oleana a bisa. Segun Oleana, e suma adishonal ku Hulanda Karibense lo risibí tur aña ta signifikante. Ademas, Hulanda lo hasi fondonan disponibel tambe pa finalmente establesé un sistema di transportashon públiko ku ta funshoná.