KRALENDIJK – Arthur Sealy, konosí pa su opinionnan hopi biaha skèrpi i na su punto, ta urgi residentenan di e isla pa votá den e próksimo eleksionnan parlamentario hulandes. 

“Dia 22 di november nos por vota pa Tweede Kamer, pero ningun partido ta hasiendo kampaña pa nan aliado na Hulanda. Laga nos ta konshiente ku nos voto tin balor pa dos motibu: pa laga Kolegio Ehekutivo i Konseho Insular sa kuá partidonan na Hulanda mester drenta den negoshiashon,” Sealy a skirbi diasabra komo parti di un komentario polítiko. 

Sealy tambe ta bisa ku, na su opinion, ta deber di e habitantenan pa laga Hulanda sa ku Boneiru kier ta envolví i tambe kier tin influensia den desishonnan ku ta afektá Bonaire. 

ChristenUnie

Pa loke ta trata su propio preferensia, Sealy ta bisa ku, manera e ta mira e kosnan, e partido ChristenUnie a distingui su mes positivamente pa e islanan. “Mi ta mira ku ChristenUnie a asumí su responsabilidat pa Bonaire i a trese alivio sosial tan sperá pa Boneiru. Mi voto ta pa e kandidato di ChristenUnie number tres, Don Ceder,” segun Sealy a bisa.