DEN HAAG – Servisio di Informashon di Estado a publiká pòtrètnan di estado nobo di Rei Willem-Alexander i Reina Maxima. Anton Corbijn a saka e pòtrètnan den Galerijzaal di Palasio Noordeinde.

Un pòtrèt di estado ta un kuadro, skultura, impreshon di pantaya òf pòtrèt di e hefe di estado. Un pòtrèt di estado ta asentuá e karakter ofisial di dje, e funshon simbóliko ku e persona ku ta aparesé riba e imáhen ta ehersé den komunidat.

For di momento ku Reina Beatrix a asumí su funshon ta konsiderá pòtrètnan komo pòtrèt di estado solamente si a traha nan pa e meta ei (tambe) riba enkargo di Servisio di Informashon di Estado (RVD). Frekuentemente ta mira Pòtrètnan di Estado den edifisionan di gobièrnu manera ministerionan, salanan di korte, kasnan munisipal i provinsial. Esaki no ta un obligashon, pero ta mira esaki komo bon uzo.
E derecho di outor riba pòtrètnan di estado ta serka RVD. Pero ta pèrmití pa baha pòtrètnan for di internèt pa asina medionan di komunikashon uza nan den nan redakshon, pa desplegá den espasionan públiko, pa uzo privá i pa metanan edukativo.