Kralendijk- Kontrolaria General di Hulanda (Algemene Rekenkamer) ta basta krítiko ora ta trata di kòntròl ku ta ehersiendo riba sèn ku Hulanda ta manda pa Bonaire, Saba i St. Eustatius.

Segun e organisashon, den hopi kaso no tin un bon responsabilisashon di e sèn, pa por bisa ku esaki a wòrdu gastá bon òf no. Ta trata na tur, di un montane di 176 mion di Euro ku a gasta entre añanan 2011 pa 2019 na proyektonan ‘spesial’.

Mientrastantu sekretario di Estado Raymond Knops, ta trahando pa por eliminá e krítika di Kontrolaria General.

Diferensia

Si mester bisa ku tin un diferensia basta grandi den e manera ku sèn pa proyektonan spesial ta wòrdu responsabilisá. Partikularmente Saba ta hasiendo un bon trabou. Ta solamene di un parti relativamente chikitu no por bisa ku sigurida si e fondonan a wòrdu usá bon òf no.

Den kaso di Boneiru i St. Eusatius, e asina leu, e gran mayoria di sèn ku a keda poné nan desposishon di e islanan no a ètol bon responsabilisá.