KRALENDIJK – ‘Si bo no ta goberná pa sirbi , bo no ta sirbi pa goberná’, Ta un one-liner di defuntu Jopi Abraham. Nos ta eksperensiá ku demokrasia parlamentario ta bou di preshon. No tin sentido splika kiko ta demokrasia ni demokrasia parlamentario pa motibu ku tantu Konseho insular i Kolegio Ehekutivo tin nan propio splikashon. 

Un kos mester ta konosí ku mester tin komunikashon ku pueblo. Mi ta keda ripití. Konseho Insular ta bai dia di Sint Maarten despues sigui pa Statia no ta reunion  ku van Huffelen den un reunion ofisial. Ki a palabrá tokante WolBes i finBes ningun komunikashon. Dia di Saba ta promé di dezèmber ,despues bin Bonaire e mes dia i dia tres di dezèmber biahe pa Hulanda i asistí na un reunion. Unda konseho di voto pa partidonan di M21, DP, UPB, MPB i Vrolijk ta? No ta importá pa splika pueblo e efektonan di un gabinete derechista òf iskierdista? Of no ta importá elekshon pa Tweede Kamer? 

Ta bai keiru sí pa sera konosí ku parlamentarionan nobo. Esaki yama hasi interesante, hunga “mooi weer” i deroche  di plaka di pueblo. Konseho Ehekutivo ta blo sklama ku kosnan ta bruá no tin traspaso, pero ta kore kita mandatering i skrap plan di desaroyo espasial. E aparato di sekretario ta sufisiente ekipá pa hasi e trabou? Ta bai tin otorgamentu di tereno òf Bijkerk tin ku warda? 

Prioridat mester ta drecha komunikashon stòp di keda wak atras i tira falta riba otro.Kon ta aliviá e situashon di Tanki matrimonio i Kaya Apelsina, parkermentu di outo den siudat, reglamentu di transporte públiko, drecha kas di personanan ku ta biba den situashon deplorabel, alivio pa doñonan di kabritu ku tin molèster di kachó ku ta kana lòs, regla biamentu di Dubai pa konferensia di klima. 

Ta kosnan pa pueblo òf  ta batimentu riba pechu tin. Ami ta vota Christenunie.