KRALENDIJK- Bureau di Planifikashon Sentral (CPB) na Hulanda a realisá un asina yamá second opinion riba e análisis di Bentaha i desbendaha Sosioekonómiko (MKBA) pa konstrukshon di un haf nobo na Boneiru, manera a ser pidí pa e Entidat Públiko Boneiru. 

CPB ta ekspresá su preokupashon tokante e konklushon ku posibel benefisionan ta mas grandi ku e eventuel desbentahanan, spesífikamente na naturalesa. Tambe tin pregunta tokante e benthaha pa negoshante, kompará ku benefisionan pa habitantenan den su totalidat. 

 CPB ta konsehá un Evaluashon di Impakto Ambiental (EIA) mas detayá i atenshon spesífiko na inkertidumbrenan den desishon. E manera ku a pinta e benefisionan potensial i rekomendashonnan pa loke ta trata oumentu di prosperidat general di e poblashon, ta puntonan klave pa loke ta traha mehorashon di studio di bentaha i desbentaha. 

Estudio adishonal

Minister Christianne van der Wal-Zeggelink di Naturalesa i Nitrogen ta di akuerdo ku e konklushonnan ku CPB a formulá. E tambe ta kere kere ku mester hasi un investigashon adishonal riba algun punto.

E minister a primintí di tuma kontakto ku gobièrno di Boneiru pa sigui atendé e asuntu aki.