KRALENDIJK – Despues di un tempu di hopi insertidumbre, tin un lus na horizonte pa loke ta e terminal di petroli, BOPEC.

Despues di e seramentu di e empresa i e fyit di e empresa bou di maneho di PDVSA, kurator Stan van Liere a traha duru pa rektifiká un situashon di manteshon atrasá. E kurador tambe a logra bende varios kargamentu di krudo ku ainda tabata wardá den e tankinan. Komo resultado, varios miyon di dòler a drenta riba kuenta di kurator. E rapòrt di Van Liere ta indiká ku lo por paga vários di e debenan ku a keda tras na momentu ku a sera empresa i deklará esaki bankrut.

Te ainda tin sierto kleim riba e negoshi, ku mester wòrdu atendé di vários empreso, bou di kua su doño anterior. Van Lier ta bezig ta dil ku esakinan tambe.

Lus na horizonte

Despues di a keda deklará bankrut, bou di guia di kurator a sigui traha un grupo di empleado basta konsiderabel, pa drecha e situashon di mantenshon pa asina hasi BOPEC atraktivo pa un operadó nobo.

Danki na e desaroyonan favorabel, ta parse ku tin speransa awor ku den un futuro no mucho lejano lo por reanuda operashon di e empresa.  Por komprondé ku tin interes di vários partido pa tuma e terminal ofer pa operá esaki.