Kralendijk- Entidat Públiko dentro di muy poko lo bai lansa, di forma ofisial, su sistema di sertifikado digital pa por biaha mas fasilemente.

Pa medio di e app por genera un kódigo QR, ku kual por mustra ku un hende ta bakuná kaba kontra di Corona, òf kiko resultado ta di su tèst promé ku biaha.

Esaki lo fasilitá biahamentu entre e islanan Hulandes-Karibense, pero tambe pa Hulanda i otro pais di Komunidat Europeo. Aktualmente ta hasiendo e últim tèstnan pa asigurá ku e sistema no tin fout i ku e ta traha manera debe ser. Asina ku e tèstnan aki finalisá lo publiká e detayenan tokante e sistema.