Kralendijk – Pa di dos aña siguí MBO Bonaire por a entregá un diploma cum laude na entrega di diploma. E aña’ki e honor a toka Annie Xie, ku a finalisá su estudio di Kolaboradó Finansiero Atministrativo ku resultadonan ekselente. Na ougùstùs Annie ta sigui ku su estudio pa Atministradó di empresa. E tin pleno ambishon pa slag cum laude pa e estudio akí tambe.

Na MBO Bonaire ta posibel tambe pa terminá un estudio den tempu aselerá. Studiantenan ku mustra durante promé fase di nan estudio ku nan ta kapta e konosementu i abilidatnan fásilmente, por haña chèns pa hasi nan estudio un aña mas lihé ku sobrá di nan klas.

E aña akí tin asta dies studiante ku a terminá nan estudio den tempu aselerá: Francisco Tavares da Silva (Kolaboradó Deporte i Rekreashon), Angie Albarracin Cuevas (Atministradó di Empresa), Widjay de Windt (Promé  Mòntùr/elèktrishèn Instalashon Eléktriko), Mary-Clare Kirindongo (Profeshonal Multifunshonal empresa di Mantenshon i Reparashon), Jurdaily Ascencion, Francy Kock, Fabianne Pikerie, Cheyenne Tribhawansingh, India Spanner en Annie Xie (Kolaboradó Finansiero Atministrativo)

Liset de Keijzer, orguyoso direktor di unidat, a ekspresá su apresio pa tur e prestashonnan sublime akí: ‘Mi ta mashá orguyoso di e studiantenan akí. Nan ta demostrá ambishon, perseveransia, independensia i ta bai e mia èkstra pa finalisá nan estudio mas lihé i ku bunita resultado’.

---

Lesa tambe:

• 
  Partnernan di CAO pa Islanan BES a topa pa deliberá riba desaroyo 
• 
  Organisashonnan Karibe Hulandes ta traha huntu pa preveni violensia kontra hende muhé
• 
  Sindikalismo na Boneiru parti 47, 25 di novèmber 2024
• 
  Curoil ta hasi su mes kulpabel na komportamentu sin rèspèt, pero gobièrnu ta tolerá esei 
• 
  Gobièrnu di Boneiru ta urgi solushon pa suma di impuesto liber i salario mínimo