WILLEMSTAD/KRALENDIJK – E direktor aktual di Banko Maduro, Lionel (Chicu) Capriles, lo pasa direktorado di e banko pa un direktor general nobo den un tempu di masomenos un aña.

“Ta un honor apsoluto pa liderá MCB i traha huntu ku koleganan ekselente. Mi ta sintí mi honra di ta den e posishonn pa kontribuí na nos sosiedat di manera un forma esensial. Despues di kasi 33 aña di servisio na e bank, mi ta sintí ku ta tempu pa pasa MCB pa un direktor nobo,” asina Capriles ta bisa.

E direktor saliente ta indiká ku e banko ta den bon kondishon. “E Bank ta fuerte, resiliente, i ta den bon kondishon. Nos ta atendé nos klientenan den e komunidatnan ku nos ta yama nos kas, ku dedikashon. Kompartiendo e desishon aki for di trempan, ta duna e Hunta di Komisario sufisiente tempu pa buska un suksesor. Pa awor ta keda ‘business as usual’.

BES-eilanden

Bandi di Kòrsou, MCB ta aktivo tambe na Aruba bou di e nòmber Caribbean Mercantile Bank (CMB), na St. Maarten komo Windward Island Bank (WIB), i na Boneiru komo Maduro i Curielsbank Boneiru (MCBB).

Aparte di Boneiru, e banko -ku ta operá relatifamente independiente- tin un filial tambe na St. Eustatius. Ademas, MCB ainda tin relativamente hopi kliente na Saba, maske e no tin un filial físiko ei mas.