Kralendijk – Minister Cora van Nieuwenhuizen di Infrastruktura i Maneho di Awa lo ta riba un bishitá di trabou for di 12 di yüli te ku 15 di yüli na Kòrsou, Boneiru i Aruba. Riba 12 di yüli, e bishitá di trabou lo kuminsá na Kòrsou kaminda e lo tin un enkuentro ku Gobernadó H.E. sra. Lucille George-Wout i e minister di Tráfiko, Transporte i Planifikashon Urbano, Charles Cooper. Tambe tin un introdukshon na DC-ANSP ku ta, entre otro, sòru pa kòntròl di tráfiko aéreo riba Boneiru i Kòrsou. Por último, e minister ta bishitá aeropuerto Hato.

Den transkurso di 12 di yüli, e minister ta yega Boneiru, kaminda e lo reuní ku entre otro Kolegio Ehekutivo i e representante di Reino suplente. Riba 13 di yüli, e minister lo bishitá aeropuerto kaminda e direktor di BIA, Jaap Engel i diputado Hennyson Thielman, lo kompañ’é.

Riba 14 di yüli, Van Nieuwenhuizen ta duna inisio na e konstrukshon di Galileo Sensor Station pa e sistema di nabegashon oropeo dor di satélite global Galileo. Komishon Oropeo a skohe Boneiru komo lokalidat pa e instalashon di e stashon den Karibe. Ademas, riba e programa tin un rekorido riba e isla i un bishitá na WEB, haf i Selibon.

E bishitá di trabou ta konkluí na Aruba, kaminda Van Nieuwenhuizen ta reuní ku entre otro e minister di Transporte, Komunikashon i Sektor Primario, sr. Crispin V.J. Romero.

---

Lesa tambe:

• 
  Partnernan di CAO pa Islanan BES a topa pa deliberá riba desaroyo 
• 
  Organisashonnan Karibe Hulandes ta traha huntu pa preveni violensia kontra hende muhé
• 
  Sindikalismo na Boneiru parti 47, 25 di novèmber 2024
• 
  Curoil ta hasi su mes kulpabel na komportamentu sin rèspèt, pero gobièrnu ta tolerá esei 
• 
  Gobièrnu di Boneiru ta urgi solushon pa suma di impuesto liber i salario mínimo