DEN HAAG – Gobièrnu a kuminsá ku un konsultorio di internèt pa introdusí un sistema di kódigo postal na Karibe Hulandes. Aktualmente no tin kódigo postal na Boneiru, Saba i Sint Eustatius, loke ta kondusí na problema ku entrega di pòst i akseso limitá na servisionan ònlain. E proposishon ta kontené un seri di kódigonan postal di 0000AA te 0999ZZ i ta habrí pa reakshonnan di públiko te ku 26 di ougùstùs.

E plan pa introdusí kódigonan postal ta basá riba un rapòrt di konseho di ministerio di Asuntunan Interior i Relashonnan di Reino (BZK). E sistema ta intenshoná pa mehorá entrega di pòst i hasi komersio elektróniko posibel. E kódigonan postal lo ta rekonosibel pa kada isla i nan lo ta sufisiente fleksibel pa kresementu den futuro.

A realisá e proposishon den koperashon ku e entidatnan públiko di Boneiru, Saba i Sint Eustatius, organisashonnan di ehekushon, empresanan, FXDC, PostNL i ministerio di Asuntunan Ekonómiko (EZ). Ta invitá tur hende pa pensa huntu i reakshoná via e konsultorio di internèt na Overheid.nl, den idioma Papiamentu, Hulandes òf Ingles.