KRALENDIJK- Konsehal Cyrill Vrolijk, ku ta forma parti di e koalishon ku ta forma gobièrnu den un deklarashon riba djawes a bisa ku e ta satisfecho ku trabou di diputado Clark Abraham, esta  di ‘ruim op de boel’ ku gobièrnu di MPB ku UPB a bai laga atras. 

Segun Vrolijk gobièrnu anterior vários biaha a gasta mas, di loke tabata prespuestá. Na aña 2022 lo a trata di un suma di 6 mion di dòler i na aña un suma di 3 mion dòler. 

“Na 2024 e storia lo a kontinua riba mesun rumbo, si ehekuta e  presupuesto manera prepará pa Hennyson Thielman, Gobiernu ta kore risiko di bai bankarota. Diputado Abraham ta hasi masha bon, mester ruim op de boel i drecha nos maneho finansiero. No a manda nan kas i kambia Gobiernu pa nos kontinua riba e mesun ruta di mal maneho. Nos ta Goberna pa Pueblo, no pa kompinchi!”, asina Vrolijk a bisa. 

Vrolijk ta bisa tambe ku e ta gradesí dios pa a iluminá su menta pa kita sosten for di Gobièrnu di MPB/UPB. “Danki dios a manda nan kas. Danki dios, ku entre otro mi sosten, Clark Abraham tei komo diputado yuda ruim op de boel. Clark Abraham ta Goberná pa sirbi pueblo di Boneiru, i pa e motibu ei i hopi mas, na mi opinion e si ta sirbi pa Goberná!” asina Vrolijk a konkluí.