ORANJESTAD/THE BOTTOM – Porfin a yega na un akuerdo entre e entidatnan públiko di  St. Eustatius i Saba na un banda, i e operadó di e fèri Makana ku ta e kompania Blue & Blue basá na Anguilla.

Tabata tin un desakuerdo pa basta siman pa loke ta trata teksto eksakto di un asina yamá Public Service Obligation (PSO) entre e dos isla mas chikí di BES i Blue & Blue. E desakuerdo aki a pone Makana algún siman pasá implementá su tarifanan komersial, sin supsidio, ku den hopi kasi tabata kasi dòbel di esnan ku tabata kobra anteriormente. 

Ounke ku Saba ya pa basta siman tabata di akuero ku e akuerdo nobo, èks-diputado di St. Eustatius, Arlene Spanner-Schmidt, tabata tin su duda riba sierto aspekto. Esaki a trese sierto iritashon na banda di e gobièrnu di Saba, ku a sinti ku no tabata duna e asuntu sufisiente importansia i atenshon. 

Ménos ku un siman despues ku Spanner-Schmidt a wòrdu mandá kas pa konseho insular di St. Eustatius, porfin awor si tin un akuerdo riba e kontrato entre e dos entidatnan públiko i e operadó di Makana.

Sèn

E sèn pa yega na un akuerdo di PSO pa e konekshon di fèri wòrdu hasí disponibel pa gabinete Rutte IV.