Kralendijk- Awe mainta algu promé ku 8 or di mainta koriente a kai afó rònt Boneiru. Algun ratu pasá WEB a konfirmá ku ta trata aki di un asina yamá ‘blackout’ ku ta nifiká ku hinter e ret di koriente a kai.

Segun un mensahe kòrtiku di WEB, ainda ta buskando origen di e problema. “Na e momentunan aki tin un interupshon riba e ret di koriente na Boneiru kompleto e asina yamá “Black-out”. E tim di WEB na e momentunan aki ta hasiendo investigashon na e kousa di e black-out”, asina WEB a laga sa riba retnan sosial.

WEB a primintí tambe di duna mas informashon asina ku nan tin esaki.