KRALENDIJK – E departamentu di Salubridat Públiko di Entidat Públiko Boneiru (EPB) ta siguiendo e desaroyo di e situashon ku e vírus di Monkey Pox, generalmente abreviá na ‘Mpox’ ku atenshon. 

Esaki por a kompronde di diputado Nina den Heyer djabièrne atardi den rueda di prensa Bon Informá riba pregunta di ABC Online Media. Segun den Heyer, ounke ku ta siguiendo e desaroyo mundial ku a virus aki ku interes in atenshon, ainda no tin un preokupashon hopi grandi. “Ya tabata tin un brote un tempu kaba, pero e malesa no a sigui plama. Mester bisa ku na Hulanda no tin kaso ainda e virus aki tampoko. Pero si e departamentu ta prepará pa dil ku kalke eventualidat ku mester dil kun’e”, asina Den Heyer a bisa.

Ounke ku e vírus di Mpox ya pa lagun tempu tei, tin preokupashon prinsipalmente pasombra tin un variante nobo na Afrika ku ta plamando mas lihé i ku ta hasi hende mas malu. E vírus, ku ta un tipo di sende-paga ta kousa blar chikitu riba hinter kurpa pero ku konsentrashon den diferente área di e kurpa. Esakinan ta kishikí hopi, pero por hasi hopi doló tambe. Víktimanan ku a keda pegá ku e virus ta papia di un ‘eksperensia horibel’. 

Bakuna

Aktualmente no ta bakunando na Boneiru kontra di e situashon, pero dependé kon e virus ta sigui plama den siman i lunanan ku ta sigui, esaki lo por kambia.