KRALENDIJK – Un grupo di habitante di Boneiru di prinsipalmente desendensia venezolano djasabra atardi a partisipá den un protesta bandi di e luga di parker di Between to Buns.

Diferente persona ku ta konsiderá nan mes solidario ku a kousa tambe tabata presente pa protestá kontra e manera ku e elekshon a tuma lugá na e pais besino, i e represhon di gobierno Maduro kontra partidonan i representante di oposishon.

E protesta mundial a wordu pidi pa e lider di oposishon popular, María Corina Machado.

Kla i raspao

Hopi partido na e islanan di Karibe hulandes ta mantené nan mes neutral den e asuntu di Venezuela. Un eksepshon riba esaki partido M21, ku a duna un deklarashon ‘kla i raspao’ siman ku a pasa tokante e situashon na Venezuela, kaminda ta hasi un apelashon pa respetá e boluntat di e pueblo den elekshon, i pa para e violensia kontra e oposishon.