KRALENDIJK – Di 20 pa 27 di ougùstùs 2024 ensayonan militar ta tumando lugá na Boneiru na enkargo di e di 46 kompania di ehérsito di tera. E ensayonan aki ta yuda e militarnan pa keda bon prepará i pa familiarisá ku e isla, e outoridatnan lokal i servisionan di emergensia.

Durante e siman aki e militarnan lo traha huntu ku sosionan den krísis na Boneiru. Tin un ehersisio konhuntamente riba e programa, meskos ku un simulashon pa mehorá e koperashon den situashonnan di emergensia. Esaki ta yuda pa fortifiká e kordinashon entre e diferente servisionan.

Aparte di esei e militarnan lo partisipá tambe na proyektonan ku ta dirigí riba asistensia na e komunidat lokal. E militarnan ta keda na e tereno di scouting na Rincon. Durante e periodo aki habitantenan di Boneiru lo nota un presensia di militar mas ku normal, loke ta parti di e ensayonan planiá.