KRALENDIJK – Qredits Boneiru a oumentá e kantidat máksimo pa mikrokrediet di 50,000 dòler pa 100,000 dòler. Esaki, segun e organisashon,  pa asina yuda e empresanan chikutu  i mediano na e isla  pa logra nan ambishon di kresementu. 

Negoshi ku ta operá mas ku dos aña i por suministrá nan estado finansiero anual, awor por ta elegibel pa e finansiamiento mas haltu. Ku un tasa di interes di 9.95% i un termino pa paga bèk di máksimo shete aña, Qredits Boneiru ke yuda empresarionan pa sigui ekpandé. 

Guia

Ademas, Qredits ta bisa di ta ofresé coaching i entrenamentu ekstensivo pa yuda empresarionan den nan kresementu stratégiko, mientras nan mantené nan salú finansiero.