KRALENDIJK – Pedro Nicolas Tromp, konosí mihó na Boneiru  komo ‘Niki’ Tromp, porfin a haña su honor meresí ku un plasa ku lo karga su nòmber den sentro di Playa. 

Ta netamente na e plenchi aki, na siglo pasá tabata tin e ofisina di turismo manehá pa Tromp, kaminda a pone e promé pasonan den e promoshon di Boneiru, den un koperashon estrecho ku e empreshario di promé ora, Hugo Gerharts. Hopi hende na Boneiru a yega di puntra ta dikon ainda no por a nombra algun sitio na riba e isla na honor di Tromp, ku a kontribuí asina tantu na turismo di e isla. 

Ku e nombramentu di e plasa aki, finalmente a bin un kambio den e situashon aki. Diputado Anjelica durante e akto di nombramente a lesa un poema ku e mes a skibi.  

Historia

Awor.nu algun tempu atras a publiká un artikulo tokante Niki Tromp, skibí pa Hubert Linkels. Por lesa e artíkulo akí: https://awor.nu/pedro-niki-tromp-e-homber-ku-a-pone-turismo-di-boneiru-riba-mapa/