KRALENDIJK – Siman pasá a pone dos tipo di ‘reda nobo’, òf Fish Aggregation Devices (FAD’s), den laman na parti suit i nort di Boneiru. E FAD’ ta pèrkurá ku tin mas chèns pa éksito ora di piska piská grandi.

Ya pa basta tempu kaba charternan di peskeria i Piskabon ta den konflikto ku otro  tokante e FAD’s ku ta pone rònt Boneiru. Sinembargo ta parse ku e emoshonnan a baha entre e dos partidonan. Hustamente Piskabon lo a duna òrdu na un di e charternan di peskeria pa pone dos FAD nobo ront Boneiru. Unu na parti suit i uno na parti nort.

Un FAD ta un tipo di bui ku ta drif riba laman. E liña largu na e bui aki ta konektá na un kadena pisá. Na e kadena ta kologá un blòk’i motor grandi i otro pesonan. Esakinan ta riba fondo di laman. E FAD’s ta interesante pa piskanan grandi. Nan gusta reuní rònt palu ku ta drif òf alga. Mahi mahi, Wahoo i Buni ta bini hopi biaha na e ‘redanan flotante’. Ta interesante pa piskadónan di Boneiru pa piska rondó di di e FAD’s aki. E chèns pa kue piská ta mas grandi.

Sa sosodé mas biaha ku FAD’s ta pèrdè. E durabilidat averahe di un FAD ta un aña. Despues e bui ta pèrdè hopi biaha pa motibu di gastamentu. E FAD’s tin koordinata GPS. Di e manera aki botonan grandi no mester pasa riba nan. Sinembargo ta parse ku esei ta sosodé si. Hopi biaha e FAD’s ta disparsé di un dia pa otro for di laman.