KRALENDIJK – Tourism Corporation Bonaire (TCB) ta bai organisá su di tres Taste of Bonaire pa loke ta trata e aña akí den koperashon ku Guardian Group. E evento ta bai tuma lugá riba djasabra 28 di sèptèmber 2024 den Parke Wilhelmina for di 6 or di atardi pa 10 or di anochi den un tremendo ambiente. E tema di e Taste of Bonaire akí ta ‘Turismo’. Esaki ta relashoná ku e Luna di Turismo.

E programa ta kargá ku músika, talento i tin stènt ku ta bende kuminda lokal i internashonal. E agrupashonnan musikal Kunuku Boys i Ocean Band i DJ Marv lo ta presente pa animá e anochi akí. Durante e Taste of Bonaire akí tin entrega di premio tambe na e ganadónan di nos último spùrtògt.

Nos kier a ekstendé un invitashon na pueblo di Boneiru i tambe na tur nos bishitantenan pa bin pasa un ratu ameno huntu ku nos riba djasabra 28 di sèptèmber 2024 na e di tres Taste of Bonaire pa e aña aki ku e edishon Turismo den Parke Wilhelmina.