ORANJESTAD –  Den un mensahe spesial gezaghebber Alida Francis a anunsiá awe e selebrashon di e di 105 kumpleaños di Miss Mary Busby i ku esaki e ta e habitante mas bieu di Sint-Eustatius. Nasé riba 19 di sèptèmber 1919 riba e isla pintoresko Nevis, Miss Busby a yama Sint-Eustatius pa hopi desenia su kas i e ta un figura kerí dentro di e komunidat.

Gezaghebber Francis a enfatisá e dedikashon di bida largu di Miss Busby na Misa i Skol Metodista Bethel, i a elogiá su fe profundo i kompromiso firme pa su patrimonio. “E ta personifiká dedikashon na Señor i ta un forsa konsistente pa generashonnan largu kaba,” e gezaghebber a partisipá.

Francis ku a lanta den e mésun misa, a papia di e rèspèt ku Miss Busby a haña den transkurso di añanan: “Pa generashonnan largu nos a yam’é na su nòmber kompleto, Miss Mary Busby, un muestra  palpabel di e honor, e rèspèt i e amor ku e ta gosa di dje den nos komunidat.”

E gezaghebber lo bai bishitá Miss Busby awe personalmente den St. Eustatius Auxiliary Home pa selebrá e logro spesial aki. “E ta realmente un señora Statiano eksepshonal,” Francis ta añadí.