THE BOTTOM – Djasabra, Manager di Marine Research Centre, Oliver Klokman a landa rònt e isla di Saba den 7 ora i 34 minuto. Ku esaki, Klokman ta e promé hende ku a logra esaki  en mas ku 20 aña i probablemente e promé persona pa logra esaki. 

Oliver, ku ta biba na Saba ya pa 3 aña i ku ta dirigí e Marine Research Centre mientras ku e ta kompleta su PhD, ta un deportista entusiast. E ta preparando pa siguiente Iron Man na luna di mart i por mirele  subi i baha e montañanan di Saba riba su baiskel tur dia pa yega su ofisina na Fort Bay.

Oliver a sali di Fort Bay rònt di 5:15 di manta pa lada, su so, e distansia di 19.5 kilometer. Amigunan i sostenedóan di Saba Wellness Pharmacy, Jacqui Christian i Menno van der Velde, a uni ku dje den kayaknan riba laman, pa sina duna Klokman di kome i bebe durante su esfuerso. 

Su pareha, Nike’ Dekkers, i su amigunan; Geertrude Hellema, Eefje Vorage, Carlos Franco i Marc Buijssen a uni ku Klokman na Wells Bay pa landa e último 5 km ku dje pa Fort Bay.