KRALENDIJK- E siman tras di lomba a bolbe selebrá Dia Nashonal pa bebementu di awe for di kranchi

Diputado Nina Den Heyer a bisa ku e dia ta un bon momentu pa  motivá pa hende bebe awa spesífikamente for di kranchi.  “Nos tin un bon awa di kalidat haltu na Boneiru, kaminda por djis habri kranchi i bebe awa un bes. No ta nesesario importá awa den bòter di plèstik. Gobièrnu ke stimulá hende pa bebe awa.”

Despues a papia Nicolette Verduin, hefe di salubridat públiko. Verduin a menshoná ku awa  ta importante, ya ku kurpa di hende ta yen di awa, pues mester bebe awa pa e kurpa funshoná stabil. “Na Rincon tin un punta di awa pa tur hende por bebe grátis. Mas skol ta bai haña e sistema pa bebe awa pronto.”

Konsientisá 

Pim Post di parti di SGB a bisa ku nan a kuminsá ku kampaña pa parti bòter di awa pa stimulá e hóbennan pa bebe awa i bira mas konsiente di e importansia di esaki.