ORANJESTAD, St. Eustatius – Fondo di penshun Karibe Hulandes (PCN) na e isla di St. Eustaitus ta mudando pa un ofisina nobo den e kompleho resientemente restaurá konosí komo The Hill Compound.

E desishon pa muda ta sigui despues ku e kompania di invershon di PCN, PMCN, a kumpra e kompleho pa restorá esaki den su gloria di antes. Pero e motibu prinsipal pa e mudansa ta un mihó aksesibilidat The Hill Compound, kompará ku e ofisina anterior.

“Ounke nos tabata kontentu ku nos ofisina bieu dilanti e ofisina di MCB, kaminda nos tabata situá pa hopi aña, hopi penshonado tabatin difikultat pa subi e trapi haltu ku mester subi pa yega na nos ofisina na e di dos piso,” representantenan di PCN na St. Eustatius, Ingra Bennet ta splika. 

E presidente di e direktiva di PCN, Harald Linkels, ta kontentu ku  e edifisio renobá i e ofisina nobo. “Durantenan hopi aña, e direktiva di PCN tabata wak e oportunidat ku un edifisio asina bunita lo por ofresé, si algun dia lo ta restorá. Afortunadamente, nos a haña e oportunidat pa kumpra esaki i awor esaki ta transformá den un verdadero hoya den e sentro históriko di Oranjestad. Nos ta sumamente orguyoso di e lógro aki.”

E kompleho restorá lo tin un funshon kombiná. Aparte di PCN, lo tin otro ofisinanan, tiendanan i algun apartamentunan di luho. E últimonan a wòrdu di hür kaba pa un periodo mas largu. 

Mudansa

E ofisina di PCN na St. Eustatius lo keda será te 2 di oktòber, mientras ku e mudansa keda kla. For di 2 di oktòber PCN lo ta habrí pa públiko na e adrès nobo.