KRALENDIJK – E siman aki (7, 8, 10 i 11 di òktober) Sea Turtle Conservation Bonaire (STCB) ta hasi un investigashon importante atrobe na Lac. E asina yamá  investigashon “capture-mark-recapture” ta yuda pa buska mas dato di turtuganan di laman ku ta biba i kome den e bahia.

Durante e investigashon STCB ta tira un reda di 200 meter, ku bo ta rekonosé na e buinan hel, oraño i blanku. Lo tin maksimal 11 boluntario i trahadó di STCB presente, ku ta landa di un banda di e reda pa otro. Tambe tin semper un boto di STCB den besindario pa sostené e aktividatnan.

Ta supliká bishitantenan di Lac kortesmente pa tene kuenta ku personanan ku ta snòrkel den awa i pa tene nan mes alehá di e reda i e boto di STCB.

Pa kasonan di emergensia ku turtuganan di laman bo por yama e liña kòrá di STCB: +599 780 0433. Si bo tin pregunta bo por manda un e-mail pa [email protected].