KRALENDIJK –  E siman aki nabegashon ku barku di bela ta pará sentral na Regata. Nan no ta solamente hopi okupá ku e evento aki na Bonaire Sailing School, pero tambe nan ta hopi drùk ku un transformashom ambisioso pa hasi nabegashon ku barku di bela aksesibel pa hubentut lokal. Den kòmbersashon ku Matthew Miceli, un di e miembronan nobo di direktiva,  ta bin kompondé ku e direktiva no ke mehorá e fasilidatnan so, pero tambe ke duna nabegashon ku barku di bela pa hubentut un impulso.

Den e siman benidero e deporte di nabegashon ku barku di bela lo haña atenshon spesial. Ta bai nabegá diferente dia den bahia dilanti Boneiru. Segun Matthew Miceli, ku ta presidente di Bonaire Sailing School, ta importante pa dediká atenshon na e deporte. “Nos ta purba di tene e karedanan mas serka di kosta di manera ku tur hende por gosa di dje di aserka,” segun Miceli. “Durante e regata e siman aki hendenan por mira e kompetensianan di nabegá di aserka for di malekon.”

Kambionan nobo 

E ta e promé evento di nabegashon di bèrdat ku e direktiva nobo  ta enfrentando. E grupo di persona ambisioso ku resientemente ta hala e garoshi na Bonaire Sailing School, ke mustra mehorashon riba tereno di nabegashon ku barku di bela serka hubentut i haña fasilidatnan nobo.

Segun Miceli ta bai bin e añanan benidero un foko fuerte riba desaroyo di programanan pa hubentut. “Nos ke pa kada mucha ku ta bishitá skol na Boneiru haña e oportunidat pa nabegá ku barku di bela, sùrf i fòil,” e ta konta. Lo pone e programa aki disponibel kontra gastunan mínimo òf sin gastu pa muchanan lokal, danki na supsidionan di e Ministerio Hulandes di Deporte i entradanan for di komishonnan internashonal.

E plan ta pa hasi e fasilidatnan na Kas di Regata mas sofestiká i buska mas boto, entre kua e popular Optimist i botonan tipo 420, riba kua hubentut ta nabegá internahonalmente. “Nos ta traha den koperashon estrecho ku e Ministerio di Deporte pa realisá e plannan aki,” segun Miceli.

Tambe nos ta organisando regatanan internashonal, entre kua Optimist World, ku ta e regata mas grandi na mundu. Lo usa e entradanan di e eventonan aki pa finansiá lèsnan di nabegá ku barku di bela lokal.

Fasilidatnan nobo 

E fasilidatnan nobo ta enserá tambe konstrukshon di un pir flotante pa baha e botonan mas fásil na awa. “Nos ke pèrkurá ku nos fasilidatnan ta na nivel mundial i na mes momento respetá e habitat natural. Pero e siman aki nos ta dirigí nos mes promé riba Regata,” Miceli ta enfatisá.