KRALENDIJK – E Konseho di Beraad di Seguridat i e gezaghèbernan di Boneiru, John Soliano, Saba, Jonathan G.A. Johnson i Sint Eustatius, Alida Francis a disidí pa bai traha huntu di forma mas estrecho pa loke ta trata kombatimentu di krisis. 

Durante un reunion dia 7 di oktober, e Plan di Implementashon pa kolaborashon atministrativo entre e entidatnan públiko i e Konseho di Seguridat a wòrrdu aprobá.

E plan ta kontené akshonan konkreto pa un koperashon tantu atministrativo komo operashonal, manera kompartí konosementu i ekspertisio. E kolaborashon ta bini for di un petishon di e ministro pa reforsá e lasonan atministrativo entre e islanan BES i e Konseho di seguridat. 

Komun

For di investigashon hasi pa Hubert Bruls, responsabel pa e maneho di krisis por a konluí ku e islanan BES, apesar di nan diferensianan, tambe tin hopi kos den komun. Esaki ta inkluí  importansia di konteksto lokal i aktuashon prágmatiko durante situashonnan di krísis.