KRALENDIJK- Na momentu ku logra kapturá e kaiman ku ta den área di Lac ku Sorobon, lo bai warda i kuida esaki na un lugá sekreto. Esaki pa evitá ku hende lo sali bai wak e animal. 

Esaki por a komprondé di direktor interino di Stinapa, Sjon van Essen. Mientrastantu a prepará e lugá aki, i a entrená empleadonan di Stinapa kon pa kapturá e animal aki i tambe kon pa transportá esaki. 

Segun Van Essen tin tur indikashon ku ta trata di un asina yamá American Salt Water Crocodile, pero ku esaki ta konosí pa e echo ku e no ta muchu agresivo i en general ta trankil i sa kome piská i para ku e ta enkontrá den su habitat natural. 

Habitat natural

E área kaminda e kaiman ta awor aki, por wòrdu konsiderá su habitat natural. Ta pesei ta kere ku e animal lo no sali bai fásilmente for di kaminda ku e ta aktualmente. E lokalidat kaminda a wak e animal den dianan ku a pasa, tambe ta wòrdu tené sekreto.