KRALENDIJK – Djabièrnè anochi direktiva di Fundashon Alzheimer Bonaire a tene den kuadro di su  programa di aña, un anochi di informashon, na Captain Don’s Habitat pa su grupo di enfoke i tur interesado.

Orador invitá tabata Ouderenpsychiater dr. Martje Grootarts, kende resientemente a kuminsá traha aki na Bonaire. El a duna splikashon di su funshon i plannnan pa futuro pa nos isla i despues a trata e tema:  “Kon trata delirio i depreshon serka hende grandi.”

Anteriormente direktiva a invitá Ouderenpsycholoog drs Marije Veenstra kende tambe ta traha aki na Boneiru pa duna splikashon di su funshon i tambe di su plannan pa futuro.

Tur e informashonnan aki ta kuadra bon ku e strategia di Fundashon Alzheimer Bonaire pa  komunidat haña mas konosementu i komprenshon pa e tema di Luna Mundial di Alzheimer pa e aña aki, esta:”Aktitut pa ku demensia  – Tempu pa tuma akshon kontra demensia i tempu pa tuma akshon kontra Alzheimer”.  

Bunita

Segun FAB ta bisa, tabata atrobe un anochi masha bunita pa tur e mantelzorgers i interesadonan, entre otro tambe algun otro persona koperador pa ku kuido. Tabatin hopi bon pregunta i tambe masha bon interakshon durante di kual no solamente e tema, sino tambe e funshon di un sikiater pa hende grandi a haña e atenshon nesesario.