KRALENDIJK – Fundashon Tienda pa Konsumidó Boneiru (FTPKB) ke ku e supermerkadonan na Boneiru hasi mas esfuerso pa evitá konfushon i fout ora klientenan ta paga na kaha. 

E tienda pa konsumidó ta bisa ku sa pasa regularmente ku tin preisnan inkorekto menshoná den rèki kaminda tin e produkto, i ku esaki ta kondusí na rabia i frustrashon di parti di e konsumidónan.

“Nos a konstatá ku preisnan na kaha regularmente ta mas haltu ku e preisnan riba rèki. Tambe sa pasa regularmente ku no tin un bon indikashon riba e preis, i regularmente tin otro artíkulo riba den e rèki, kaminda ta menshoná preis”. 

Pa proteha konsumidó, e tienda pa konsumidó ta konsehá klientenan pa ta alerta, kontrolá e preisnan i warda prueba den kasonan ku e preis na kaha ta diferente for di esun den rèki. 

Mantenshon

Den kaso serio, konsumidónan por entregá keho na FTPKB, ku ta traha huntu ku e direktorado di Supervishon i Mantenshon. Den kaso ku esaki ta neseario, e direktorado por tuma medida kontra supermerkado ku no ta mantené nan mes na stipulashon di lei, pa loke ta trata di esaki.