KRALENDIJK – E departamentu di Agrikultura, Krio di Bestia i Peskeria  LVV Boneiru ta organisá 13 di novèmber un enkuentro na Captain Don’s Habitat ku piskadó- i otro interesadonan. Durante e enkuentro Wageningen Marine Research (WMR) i Dr. Dolfi Debrot lo presentá e resultadonan di un investigashon resien di peskeria riba e isla. E investigashon aki ta ofresé konosementu importante den salubridat di e poblashon di piská i e sektor kompleto di peskeria di Boneiru.

LVV Bonaire, huntu ku WMR, a kuminsá e aña aki ku e investigashon ámplio aki pa siña mas di e estado aktual di peskeria i e poblashonnan di piská riba e isla. E informashon ku ta bai kompartí, ta intenshoná pa konservá i traha huntu na un futuro saludabel pa peskeria na Boneiru.

LVV ta enfatisá ku e aporte di piskadónan ta esensial pa desaroyo di un plan ku ta na bienestar di tantu  komunidat komo  medio ambiente. E enkuentro ta tuma lugá di 7’or di anochi pa mitar di nuebe.