KRALENDIJK – Na Boneiru lo no ta asina mas ku kada residente tin derechi sin mas riba un tereno di erfpacht, pa konstrukshon di un kas. 

Esei ta e advertensia di parti di Kolehio Ekehutivo, awor ku e populashon di e isla a krese asina fuerte i skarsedat di kas pagabel ta forma un reto grandi. 

Diputado Anjelica Cicilia a splika ku no por sigui mantené e idea ku tur hende lo tin derecho riba un parsela di èrfpagt. “Pa motibu di espasio limitá e filosofia akí no ta sostenibel tampoko. Tur hende tin derecho riba un bibienda adekuá i ta trata pues di un situashon kaminda dentro di e espasio disponibel nos por proveé tur hende ku un bibienda adekuá. Pa esaki stipulashon di áreanan di biba i traha pa den futuro ta un promé paso importante”, segun e diputado.

Kolehio Ehekutivo ta enfatisá ku kada residente tin derechi na un kas ku ta pas pe, pero esaki no outomátikamente ta nifiká un tereno di erfpacht. Kolehio Ehekutivo ta trahando awor riba un vison di struktura komo base pa leinan nobo, paso e plan di desaroyo espasial di 2010 no taña sufi pasobra.

Aktualisashon

Aworaki e promé paso a wòrdu tuma pa limpia e listanan di espera. Den kuadro di esaki, un total di 85 hende ku no por rekisbí un tereno di erfpacht a wòrdu informá. Na otro banda a identifiká tambe 60 persona ku si por resibí un terno di erfpacht ku ta fet den infrastruktura eksistente.

Cicilia ta bisa di ta kontentu ku e ortogashon di e 60 parselanan aki: “ “E parselanan akí ta resultado di un inventarisashon minusioso den barionan eksistente. Den esaki a identifiká parselanan ku no tabata emití ainda i ku ta situá den serkania di infrastruktura eksistente i otro fasilidatnan. Un logro importante!”